ច័ន្ទ 30 ឩសភា 2011
ទស្សនាវដ្តីសារព័ត៌មានសេរី
នៅថ្ងៃចន្ទនេះ អ្នករាយការណ៍ពិសេសផ្នែកសិទ្ធិមនុស្សរបស់អគ្គលេខាធិការអង្គការសហ ប្រជាជាតិ នឹងចាប់ផ្តើមដំណើរទស្សនកិច្ចរយៈពេល៥ថ្ងៃរបស់ខ្លួននៅកម្ពុជា ចាប់ពីថ្ងៃទី៣០ ខែឧសភា ដល់ថ្ងៃទី០៣ ខែមិថុនា ដើម្បីពិនិត្យមើលស្ថានភាពសិទ្ធិមនុស្សនៅក្នុងប្រទេសមួយនេះ។
ក្នុងដំណើរទស្សនកិច្ចរបស់អ្នករាយការណ៍ពិសេសអង្គការសហប្រជា ជាតិ លោក ស៊ូរីយ៉ា ស៊ូបេឌី នៅកម្ពុជាលើកនេះ លោកនឹងជួបពិភាក្សាការងារជាមួយនឹងមន្រ្តីរដ្ឋាភិបាលដើម្បីបន្ត ការសិក្សាលើការងាររបស់រដ្ឋសភា និងព្រឹទ្ធសភា ក្នុងការស្វែងរកមធ្យោបាយពង្រឹងតួនាទីស្ថាប័ណ្ណកំពូលទាំងពីរ ក្នុងការជួយលើកស្ទួយ និងការពារសិទ្ធិមនុស្សនៅកម្ពុជា។
ជាមួយគ្នានេះ លោក ស៊ូបេឌី ក៏នឹងគ្រោងជួបជាមួយមន្រ្តីរដ្ឋាភិបាល សមាជិកសភា អង្គការសង្គមស៊ីវិល តំណាងទីភ្នាក់ងារនានារបស់អង្គការសហប្រជាជាតិ តំណាងប្រទេសម្ចាស់ជំនួយ និងមន្រ្តីការទូតមួយចំនួននៅកម្ពុជាផងដែរ ដើម្បីពិភាក្សាអំពីបញ្ហាសិទ្ធិមនុស្ស ដែលរួមមានសេរីភាពបញ្ចេញមតិ សេចក្តីព្រាងច្បាប់ស្តីពីសមាគម និងអង្គការក្រៅរដ្ឋាភិបាល និងទំនាស់ដីធ្លី៕
No comments:
Post a Comment