Lim Dina

Sunday, February 27, 2011

សហគមន៍អន្តរជាតិរួមគ្នាដាក់ទណ្ឌកម្មលើរបបកាដាហ្វ៊ី

លីប៊ី -

អត្ថបទចុះផ្សាយនៅថ្ងៃ អាទិត្យ 27 កុម្ភៈ 2011 - ព័ត៌មានទើបកែប្រើលើកចុងក្រោយ ថ្ងៃ អាទិត្យ 27 កុម្ភៈ 2011

ក្រុមប្រឹក្សាសន្តិសុខអង្គការសហប្រជាជាតិបោះឆ្នោតឯកច្ឆន្ទសេចក្តីសម្រេចចិត្តដាក់ទណ្ឌកម្មរបបលោកកាដាហ្វ៊ី

REUTERS/ Joshua Lott

នៅទីបំផុត ក្រុមប្រឹក្សាសន្តិសុខអង្គការសហប្រជាជាតិ ដែលបានជួបប្រជុំជាបន្ទាន់ នៅទីក្រុងញូយ៉ក បានសម្រេចជាឯកច្ឆន្ទ នៅយប់ថ្ងៃសៅរ៍ម្សិលមិញ ដាក់ទណ្ឌកម្មលើរបបលោកកាដាហ្វ៊ី បុរសខ្លាំងរបស់លីប៊ី។ ទណ្ឌកម្មទាំងនោះមានដូចជា ការហាមឃាត់ការលក់អាវុធគ្រប់ប្រភេទទៅឲ្យលីប៊ី (Embargo) ការផ្អាប់ទ្រព្យសម្បត្តិ និងការប្តឹងលោកកាដាហ្វ៊ី ទៅតុលាការព្រហ្មទណ្ឌអន្តរជាតិ។

បទអន្តរាគមន៍របស់ឈាង បុប្ផា

27/02/2011
by ឈាង បុប្ផា

ស្តាប់ (08:37)

សេចក្តីសម្រេចចិត្ត លើកនេះ មិនត្រឹមតែអនុម័តចេញរួចប៉ុណ្ណោះទេ ប៉ុន្តែ វាធ្វើឡើងដោយសំឡេងឯកច្ឆន្ទ ដែលកម្រនឹងមាននៅក្នុងប្រវត្តិបោះឆ្នោតនៅក្រុមប្រឹក្សាសន្តិសុខ។ សូម្បីតែប្រទេសចិន ដែលពីដំបូងធ្លាប់តែរារែកជាមួយរុស្ស៊ី និងឥណ្ឌា ចង់ធ្វើវេតូ ដោយសំអាងថា បញ្ហាកំពុងកើតមាននៅលីប៊ី ជារឿងផ្ទៃក្នុង ក៏បានសម្រេចបោះឆ្នោត នៅពេលនេះ ជាមួយគេឯងដែរ។ តំណាងទាំង ១៥ ប្រទេស សមាជិករបស់ក្រុមប្រឹក្សាសន្តិសុខ ដែលបានប្រជុំពិភាក្សាគ្នាយ៉ាងតឹងតែង អស់ ១១ម៉ោង។ រហូតដល់យប់ថ្ងៃសៅរ៍ ទើបគេឃើញ ទាំងអស់គ្នា ដោយមានទាំងលោកបាន គីមូន អគ្គលេខាអង្គការសហប្រជាជាតិ បានលើកដៃស្រុះគ្នា បោះឆ្នោត សេចក្តីសម្រេចចិត្តដាក់ទណ្ឌកម្មលើរបបលោកកាដាហ្វ៊ី។

មូលហេតុមួយចំនួនដែលធ្វើឲ្យសមាជិកទាំង១៥ របស់ក្រុមប្រឹក្សាសន្តិសុខ សម្រេចចិត្តស្រុះគ្នាបែបនេះ គឺទីមួយ ប្រហែលជាមកពីគេរំជួលចិត្តនឹងការថ្លែងរបស់ឯកអគ្គរដ្ឋទូតតំណាងលីប៊ី កាល ពីថ្ងៃសុក្រ ទី ២៥ កុម្ភៈ។ ឯកអគ្គរដ្ឋទូតដែលធ្លាប់តែស្និទ្ធនឹងលោកកាដាហ្វ៊ី ក៏លែងគាំទ្រលោកកាដាហ្វ៊ី និងបានទទូចអំពាវនាវសុំឲ្យក្រុមប្រឹក្សាសន្តិសុខជួយអន្តរាគម ទប់ស្កាត់កុំឲ្យលោកកាដាហ្វ៊ីសម្លាប់មនុស្សស្លូតត្រង់ តទៅទៀត។

ការថ្លែងរបស់លោកបាន គីមូន និងរបស់ឯកអគ្គរដ្ឋទូតលីប៊ី រឹតតែបានបញ្ជាក់ឲ្យឃើញច្បាស់ពីសកម្មភាពសម្លាប់មនុស្សដ៏ឃោរឃៅ របស់លោកកាដាហ្វ៊ី។ យើងគ្រប់គ្នាសុទ្ធតែបានឃើញច្បាស់ពីមហិច្ឆតាក្រាញអំណាចរបស់លោក កាដាហ្វ៊ី។ លោកកាដាហ្វ៊ីដែលបានស្រែក កាលពីថ្ងៃសុក្រ ទី ២៥កុម្ភៈ ឲ្យយុវជនដែលស្រលាញ់គាត់នាំគ្នាកាន់អាវុធសម្លាប់អ្នកដែលប្រឆាំង ។ ហើយបើចាំបាច់ លោកនឹងបញ្ជាឲ្យបើកឃ្លាំងអាវុធ ដើម្បីឲ្យអ្នកគាំទ្រលោកទាំងអស់មានអាវុធកាន់នៅក្នុងដៃ។ លោកកាដាហ្វ៊ីនៅបានស្រែកគំរាមថា លោកនឹងចាប់បោសសម្អាតអ្នកប្រឆាំង ពីផ្ទះមួយ ទៅផ្ទះមួយ។

ទីក្រុងទ្រីប៉ូលីដែលជាទីតាំងចុងក្រោយរបស់កាដាហ្វ៊ី ក្លាយជាស្ងាត់ជ្រងំ និងយាមតឹងតែងពីទាហានស្មោះស្ម័គ្រលោកកាដាហ្វ៊ី

REUTERS/Ahmed Jadallah

មាន សាក្សីជាច្រើនដែលអាចបញ្ជាក់ពីចរិតឃោរឃៅរបស់លោកកាដាហ្វ៊ី ជាពិសេស ភស្តុតាង គ្រាប់បែក ដែលលោកកាដាហ្វ៊ីបានបញ្ជាឲ្យគេយកទៅទម្លាក់សម្លាប់ក្រុមប្រឆាំង នៅភាគខាងកើត។

សំដីគំរាមសម្លាប់ប្រជាជនឯងដោយឈាមត្រជាក់បែបនេះ ពិតជាមិនអាចឲ្យគេសុខចិត្តឈរឱបដៃមើលបានឡើយ។ ហើយបើតាមមើលទៅ ប្រទេសសមាជិករបស់ក្រុមប្រឹក្សាសន្តិសុខបានសម្រេចរួមគ្នា ដូច្នេះ មកពីបានមើលឃើញច្រកចេញខ្លះៗដែរ នោះគឺ សហព័ន្ធអារ៉ាប់ បានព្យួរបេក្ខភាពរបស់លីប៊ី ចំណែកសហព័ន្ធអាហ្វ្រិកដែលធ្លាប់ជាសម្ព័ន្ធមិត្តចាស់ បានរិះគន់ និងយល់ព្រមចូលរួមដាក់គំនាបលើរបបលោកកាដាហ្វ៊ី។

ទណ្ឌកម្មលើកនេះ បើទោះបីជាមិនអាចធ្វើឲ្យមេផ្តាច់ការកាដាហ្វ៊ី បញ្ឈប់ការសម្លាប់ប្រជាជនឯងភ្លាមៗ ក៏ពិតមែន ប៉ុន្តែ យ៉ាងហោច វាជួយលើកទឹកចិត្តប្រជាជនលីប៊ី ដោយគេដឹងថា ពួកគេមិនត្រូវបានគេបំភ្លេច បោះបង់ចោលដែរ។

នៅក្នុងសេចក្តីសម្រេចចិត្តរបស់ដែលខ្លួនបានបោះឆ្នោតអនុម័ត នោះ ក្រុមប្រឹក្សាសន្តិសុខអង្គការសហប្រជាជាតិបានប្តឹងទៅតុលាការ ព្រហ្មទណ្ឌអន្តរជាតិ ឲ្យបើកការស៊ើបអង្កេតលើករណីលោកកាដាហ្វ៊ី កូនប្រុសទាំង៧ កូនស្រី និងមនុស្ស១៦នាក់ផ្សេងទៀតដែលកំពុងបំរើការឲ្យលោកកាដាហ្វ៊ី។ ក្រុមប្រឹក្សាសន្តិសុខបានចោទពួកគេពីបទបង្កសង្រ្គាមប្រឆាំងនឹង មនុស្សជាតិ។

គេនឹងមិនអាចចាប់លោកកាដាហ្វ៊ី និងក្រុមគ្រួសារ បក្ខពួកមកកាត់ទោសបានភ្លាមៗ។ លោកកាដាហ្វ៊ីធ្លាប់និយាយហើយថា លោកនឹងមិនចុះចាញ់ និងនៅកាន់អំណាច រហូតដល់តំណក់ឈាមចុងក្រោយរបស់លោក។ ប៉ុន្តែ ការប្តឹងទៅតុលាការអន្តរជាតិពីបទប្រព្រឹត្តឧក្រិដ្ឋកម្មប្រឆាំងនឹង មនុស្សជាតិនេះ អាចធ្វើឲ្យអ្នកដែលបំរើការឲ្យលោកកាដាហ្វ៊ីព្រឺខ្នងខ្លះដែរ។

ម្យ៉ាងទៀត ការផ្អាប់ទ្រព្យសម្បត្តិ របស់គ្រួសារកាដាហ្វ៊ី នៅក្នុងធនាគារបរទេស ការហាមឃាត់លក់អាវុធ ទៅឲ្យប្រទេសលីប៊ី និងការហាមឃាត់ការធ្វើដំណើររបស់លោកកាដាហ្វ៊ី និងគ្រួសារ រឹតតែធ្វើឲ្យ មធ្យោបាយ និងឱកាសសម្លាប់មនុស្សរបស់លោកកាដាហ្វ៊ីរួមថយ ចុះច្រើន។

លោកអនុប្រធានទូតលីប៊ី ប្រចាំអង្គការសហប្រជាជាតិ ដែលបានរិះគន់ខ្លាំង លោកកាដាហ្វ៊ី បាននិយាយ នៅក្រោយការបោះឆ្នោត ថា ទណ្ឌកម្មរបស់ក្រុមប្រឹក្សាសន្តិសុខ និងការប្តឹងទៅតុលាការអន្តរជាតិ នឹងអាចជួយបញ្ឈប់របបហ្វាស៊ីស្ត របស់កាដាហ្វ៊ី ដែលកំពុងបន្តខ្លាំង នៅទីក្រុងទី្រប៉ូលី៕

ឯកអគ្គរដ្ឋទូតលីប៊ី៖ កាដាហ៊្វីកំពុងសម្លាប់ប្រជាជនឯង ដូចហ៊ីត្លែរ និងដូចប៉ុលពត

លីប៊ី -

អត្ថបទចុះផ្សាយនៅថ្ងៃ សៅរ៍ 26 កុម្ភៈ 2011 - ព័ត៌មានទើបកែប្រើលើកចុងក្រោយ ថ្ងៃ សៅរ៍ 26 កុម្ភៈ 2011

ឯកអគ្គរដ្ឋទូតលីប៊ី លោក Mohammed Shalghamចាប់ឱបអនុប្រធានរបស់គាត់ដែលយំរំជួលចិត្ត នៅអង្គការសហប្រជាជាតិ

REUTERS/Brendan McDermid

ដោយ ឈាង បុប្ផា

អគ្គលេខាអង្គការសហប្រជាជាតិ លោកបាន គីមូន បានអំពាវនាវ នៅថ្ងៃសុក្រនេះ ឲ្យក្រុមប្រឹក្សាសន្តិសុខ អនុវត្តចេញសកម្មភាពជាក់ស្តែង និងជាបន្ទាន់ ដើម្បី ទប់ស្កាត់ការសម្លាប់បង្ហូរឈាមដែលបញ្ជាដោយលោកកាដាហ៊្វី នៅលីប៊ី។ នៅក្នុងការថ្លែងទៅកាន់ប្រទេសទាំង ១៥ សមាជិករបស់ក្រុមប្រឹក្សាសន្តិសុខ នៅទីក្រុងញូយ៉ក លោកបាន គីមូនបានព្រមានថា រាល់វិនាទីដែលគេពន្យារពេល មានតម្លៃស្មើចំនួនមនុស្សស្លាប់កាន់តែច្រើន នៅក្រោមកណ្តាប់ដៃរបស់កាដាហ៊្វី។

សេចក្តីអំពាវនាវ របស់លោកបាន គី មូន និងជាពិសេសសុន្ទរកថាដ៏រំជួលចិត្តរបស់ឯកអគ្គរដ្ឋទូតលីប៊ីប្រចាំ អង្គការសហប្រជាជាតិ នៅទីបំផុតបានជម្រុញឲ្យក្រុមប្រឹក្សាសន្តិសុខសម្រេចកោះប្រជុំ ជាបន្ទាន់ នៅថ្ងៃសៅរ៍នេះ ដោយមិនរង់ចំាដល់ថ្ងៃធ្វើការធម្មតា។ នៅមុខតំណាងប្រទេសនានា នៅអសប លោក Abdurrahman Shalgham ឯកអគ្គរដ្ឋទូតតំណាងលីប៊ី បាននិយាយថា “កាដាហ៊្វីនៅពេលនេះបានប្រាប់ទៅប្រជាជនឲ្យជ្រើសរើសថា តើសុខចិត្តនៅក្រោមអំណាច របស់គាត់ ឬក៏ត្រូវឲ្យគាត់សម្លាប់”។
ឯកអគ្គរដ្ឋទូតលីប៊ី ប្រចាំអង្គការសហប្រជាជាតិបានទទូចសុំឲ្យក្រុមប្រឹក្សាសន្តិសុខចាត់ វិធានការទប់ស្កាត់ការសម្លាប់រង្គាលដែលរៀបចំឡើងដោយលោកកាដាហ៊្វី។ ត្រង់ចំណុចនេះ លោក Abdurrahman Shalghamបាននិយាយរំលឹកថា សកម្មភាពអមនុស្សធម៌កាដាហ៊្វីនៅពេលនេះ គឺដូចអ្វីដែលហ៊ីត្លែរ បានធ្វើ នៅពេលដែលហ៊ីត្លែរមិនបានឲ្យតម្លៃទៅលើជីវិតប្រជាជនអាល្លឺមង់ ដោយសុខចិត្តធ្វើនយោបាយសង្រ្គាមឈ្លានពានលើសហភាពសូវៀត។ លោកឯកអគ្គរដ្ឋទូត លីប៊ីនៅបានប្រៀបធៀបទៀតថា ទង្វើរបស់កាដាហ៊្វីពេលនេះ គឺដូចនឹងសកម្មភាពសម្លាប់រង្គាលលើប្រជាជនឯង របស់ខ្មែរក្រហម ដឹកនាំដោយប៉ុលពត និងរបស់ហ្សូហ្សេព្វ ស្តាលីន។

ការថ្លែងរបស់លោកកាដាហ្វ៊ីទៅកាន់អ្នកគាំទ្រនៅ ទីក្រុងទ្រីប៉ូលី ប្រែសម្រួលដោយវីនស្តុន រតនា

26/02/2011
by វីនស្តុន រតនា

“សូមមេត្តា អង្គការសហប្រជាជាតិជួយប្រជាជនលីប៊ីផង។ សុំជួយកុំឲ្យមានការបង្ហូរឈាម និងកុំឲ្យគេសម្លាប់ប្រជាជនស្លូតត្រង់លីប៊ីតទៅទៀត។” នេះជាការថ្លែងជាមួយនឹងសំឡេងក៏ក្តុកក្តួលរបស់លោកឯកអង្គរដ្ឋទូតលីប៊ី ។ នៅពេលគាត់ថ្លែងសុន្ទរកថាចប់ អនុប្រធានរបស់គាត់ដែលនៅអង្គុយពីក្រោយ គាត់បានបង្ហូរទឹកភ្នែក និងបានចូលមកចាប់ឱបគាត់ ជាមួយនឹងតំណាងប្រទេសអារ៉ាប់ផ្សេងទៀត។

លោក Abdurrahman Shalgham ឯកអគ្គរដ្ឋទូតលីប៊ីប្រចាំអង្គការសហប្រជាជាតិអំពាវនាវសុំឲ្យ ក្រុមប្រឹក្សាសន្តិសុខអន្តរាគមកុំឲ្យលោកកាដាហ្វីសម្លាប់រង្គាល ប្រជាជនលីប៊ី

តាមពិត ទៅលោក Abdurrahman Shalghamដែលតំណាងលីប៊ីនៅអង្គការសហប្រជាជាតិ ជាមិត្តរួមសាលាជាមួយបុរសខ្លាំងលីប៊ី លោកកាដាហ៊្វី។ រហូតមកដល់ដើមសប្តាហ៍នេះ គាត់នៅតែគាំទ្រលោកកាដាហ៊្វី បើទោះបីជាសមាជិករបស់គាត់ ជាច្រើនបានសម្រេចឈប់គាំទ្រលោកកាដាហ៊្វី និង ងាកទៅគាំទ្រក្រុមប្រឆាំងវិញ។ ក្នុងរយៈពេលប៉ុន្មានថ្ងៃចុងក្រោយនេះ លោកបានបាត់មុខ។ គឺទើបតែនៅថ្ងៃសុក្រនេះដែលលោកចេញមុខមកនិយាយថា លោកឈប់គាំទ្រមិត្តអតីតកាលរបស់លោកទៀតហើយ។ “ខ្ញុំបានបា្រប់កាដាហ៊្វីមិត្តខ្ញុំថា គេគួរទុកឲ្យប្រជាជនរស់នៅដោយសុខស្រួលផង”។

គឺដោយរំជួលចិត្តនឹងសំដីរបស់ឯកអគ្គរដ្ឋទូតលីប៊ីនេះហើយ ដែលប្រទេសទាំង១៥ សមាជិករបស់ក្រុមប្រឹក្សាសន្តិសុខត្រូវកោះប្រជុំជាបន្ទាន់ និងត្រូវអនុម័តលើគម្រោងសេចក្តីសម្រេចចិត្តដែលគេបានពិភាក្សានៅ ប៉ុន្មានថ្ងៃចុងក្រោយនេះ។ ឯកអគ្គរដ្ឋទូតបារាំងប្រចាំអង្គការសហប្រជាជាតិនិយាយថា កាលៈទេសៈនេះសំខាន់ ហើយវាឥទ្ធិពលខ្លាំងទៅលើជំហររបស់ប្រទេសសមាជិកក្រុមប្រឹក្សា សន្តិសុខ។ លោកជឿជាក់ថា សេចក្តីសម្រេចចិត្តនឹងអាចត្រូវអនុម័តចេញរួច នៅចុងសប្តាហ៍នេះ។ សេចក្តីសម្រេចចិត្តដែលស្នើឡើងដោយប្រទេសបារាំង និងអង់គ្លេសមាននិយាយពីការដាក់ទណ្ឌកម្ម និងការចោទប្រកាន់លោកកាដាហ៊្វីទៅតុលាការព្រហ្មទណ្ឌអន្តរជាតិ ពីបទប្រព្រឹត្តឧក្រិដ្ឋកម្មប្រឆាំងមនុស្សជាតិ៕

សហជីព ១៣ ប្រទេសជួបប្រជុំគ្នានិយាយពីការផ្លាស់ប្តូរអាកាសធាតុ បញ្ហាបរិស្ថាននិងការងារសមរម្យ

ដោយ : សុពិសិដ្ឋ
ថ្ងៃទី 26 កុម្ភៈ 2011
CEN

ភ្នំពេញ: កិច្ចប្រជុំរយៈពេលមួយសប្តាហ៍នៅទីក្រុងបាងកកប្រទេសថៃ និយាយពីការផ្លាស់ប្តូរអាកាសធាតុ បញ្ហាថែរក្សាបរិស្ថាននៅកន្លែងធ្វើការរបស់កម្មករ និងការងារសមរម្យរបស់កម្មករ បានទទួលជោគជ័យ ហើយមេដឹកនាំសហជីពទាំង ១៣ ប្រទេសនឹងធ្វើផែនការសាកល្បងរយៈពេលមួយឆ្នាំ ដើម្បីផ្សព្វផ្សាយតាមរយៈត្រីភាគី ។

លោក វង្ស សុវណ្ណ ប្រធានសហភាពសហព័ន្ធសហជីពជាតិកម្ពុជា (CCTU) មានប្រសាសន៍បែបនេះ កាលពីព្រឹកថ្ងៃទី២៦ កុម្ភៈនេះ បន្ទាប់ពីបានចូលរួមក្នុងអង្គសិក្ខាសាលាបណ្តុះបណ្តាលសហជីពពាណិជ្ជកម្ម ស្តីពីការផ្លាស់ប្តូរអាកាសធាតុ បញ្ហាថែរក្សាបរិស្ថាន និងការងារសមរម្យនាទីក្រុងបាងកកប្រទេសថៃ រយៈពេលមួយសប្តាហ៍ (២១ ដល់ ២៥ កុម្ភៈ ឆ្នាំ២០១១ ) ដែលរៀបចំឡើងដោយមជ្ឈមណ្ឌលបណ្តុះបណ្តាលអន្តរជាតិ នៃអង្គការ ICO (ITC/ILO) ។
លោក វង្ស សុវណ្ណ មានប្រសាសន៍បន្តថា កម្មវិធីខាងលើនេះ រៀបចំដោយលោក អារណកុមារ (Arunkumar) និងលោក វីន សិន ជូង្គល់ (Vincent Jugault) សហជីព ១៣ ប្រទេសចូលរួមមាន៖ ថៃ កម្ពុជា បង់ក្លាដែស ចិន ជីហ្វី ឥណ្ឌា ឥណ្ឌូណេស៊ី ម៉ាឡេស៊ី នេប៉ាល់ ប៉ាគីស្ថាន ហ្វីលីពីន ស្រីអង្ការ និងវៀតណាម ដោយមានសិក្ខាកាមចំនួន ២២ រូប ។

អង្គសិក្ខាសាលាបានពិភាក្សាទៅលើប្រធានបទចំនួន ៣ គឺទីមួយការផ្លាស់ប្តូរអាកាសធាតុនៅលើសាកលលោកនាំឲ្យមានផលប៉ះពាល់ អវិជ្ជមានដល់ជីវិតមនុស្ស ដែលបណ្តាលមកពីការបំពុលបរិស្ថាន និងខូចបរិស្ថានដោយសារមនុស្ស ជាពិសេសប៉ះពាល់ដល់សុខភាពរបស់កម្មករ កម្មការិនីដែលកំពុងធ្វើការ ។ ទីពីររាជរដ្ឋាភិបាល និយោជក និងនិយោជិក កម្មករ ត្រូវរួមគ្នាការពារបរិស្ថាន និងការធ្វើឲ្យប្រសើរឡើងវិញ បរិស្ថាននៅកន្លែងធ្វើការ ដើម្បីថែទាំសុខភាព សុវត្ថិភាពការងាររបស់កម្មករ និងទីបី ការគិតគូដល់ប្រាក់ឈ្នួលសមរម្យរបស់កម្មករ ។
លោក វង្ស សុវណ្ណ មានប្រសាសន៍ថា កម្ពុជាបានលើកឡើងពីបញ្ហាប្រាក់ឈ្នួលសមរម្យរបស់កម្មករ ដោយការខិតខំប្រឹងប្រែងរបស់ក្រុមប្រឹក្សាការងារ កាលពីឆ្នាំ២០១០ កន្លងទៅ រាជរដ្ឋាភិបាលបានដំឡើងប្រាក់ឈ្នួល អប្បបរមាបន្ថែម ១១ ដុល្លារចូលក្នុងប្រាក់ខែគោលស្មើនឹង ៦១ ដុល្លារ ។ ដើមឆ្នាំ២០១១ នេះ គណកម្មការក្រុមប្រឹក្សាការងារបានបន្តពិភាក្សាសុំដំឡើងប្រាក់ អត្ថប្រយោជន៍ផ្សេងៗជូនកម្មករ ហើយការងារនេះនឹងសម្រេចជាផ្លូវការ ក្នុងអំឡុងខែមីនាខាងមុខនេះ ។ ដូច្នេះកម្ពុជាពុំបានព្រងើយកន្តើយអំពីជីវភាពប្រចាំថ្ងៃរបស់កម្មករ កម្មការិនីក្នុងវិស័យឧស្សាហកម្មកាត់ដែរ និងស្បែកជើងនោះទេ ។
លោកប្រធាន CCTU មានប្រសាសន៍ទៀតថា អង្គសិក្ខាសាលារយៈពេលមួយសប្តាហ៍នេះ ទទួលបានលទ្ធផលល្អប្រសើរ ហើយគណៈប្រតិភូទាំង ១៣ ប្រទេស នឹងកសាងផែនការសាកល្បងរយៈពេលមួយឆ្នាំ ដើម្បីផ្សព្វផ្សាយតាមរយៈត្រីភាគី និងសហជីពតំណាងកម្មករ និយោជក និងរាជរដ្ឋាភិបាល ដើម្បីកម្មករ កម្មការិនីយល់កាន់តែប្រសើរឡើងអំពីសុខភាព សុវត្ថិភាពនៅកន្លែងធ្វើការ ៕

Saturday, February 26, 2011

លោក សម រង្ស៊ី ព្រមានថានឹងអាចមានបដិវត្តន៍ថ្មីមួយនៅកម្ពុជា

ដោយ យន់ សាមៀន
2011-02-26
វិទ្យុអាស៊ីសេរី
លោក សម រង្ស៊ី ក្នុងឱកាសពិភាក្សាជាមួយពលរដ្ឋខ្មែរអាមេរិក នៅសហរដ្ឋអាមេរិក បានប្រដូចស្ថានការណ៍បះបោរនៅប្រទេសក្នុងពិភពអារ៉ាប់ថា អាចនឹងកើតមានឡើងនៅកម្ពុជា ប្រសិនបើរដ្ឋាភិបាលកម្ពុជា មិនអាចដោះស្រាយវិបត្តិគ្មានការងារធ្វើ អំពើពុករលួយ និងវិបត្តិដីធ្លី។

ប្រធាន គណបក្ស សម រង្ស៊ី លោក សម រង្ស៊ី ក្នុង វិធី ជួបជុំ សហគមន៍ ខ្មែរ អាមេរិក នៅ ទីក្រុង Falls Church រដ្ឋ Virginia សហរដ្ឋ អាមេរិក កាល ពី ថ្ងៃ ទី ២៤ ខែ កុម្ភៈ ឆ្នាំ ២០១១។ (RFA/Yun Samean)

លោក សម រង្ស៊ី ប្រធានគណបក្សប្រឆាំង សម រង្ស៊ី កាលពីយប់ថ្ងៃព្រហស្បតិ៍ ទី២៤ ខែកុម្ភៈ បានព្រមានមេដឹកនាំរដ្ឋាភិបាលខ្មែរថា កម្ពុជានឹងអាចផ្ទុះឡើងនូវបដិវត្តន៍មួយប្រឆាំងនឹងការកាន់កាប់ អំណាចផ្តាច់ការ ប្រសិនបើមេដឹកនាំខ្មែរដែលបានកាន់កាប់អំណាចអស់រយៈពេលជិត ៣០ឆ្នាំ នៅបន្តកាន់អំណាចទៅមុនទៀត។
ការទាយទុករបស់ជោគវាសនាកម្ពុជា របស់លោក សម រង្ស៊ី ធ្វើឡើងក្នុងវេទិកាពិភាក្សាមួយជាមួយខ្មែរអាមេរិកនៅទីក្រុងហ្វលស៍ ឈជ (Falls Church) រដ្ឋវីជីនៀ (Virginia) ដែលមានអ្នកចូលរួមប្រមាណ ៥០នាក់។
លោក សម រង្ស៊ី ដែលបច្ចុប្បន្នកំពុងរស់នៅនិរទេសខ្លួននៅប្រទេសបារាំង បន្តថា បដិវត្តន៍ដែលកម្ពុជានឹងជួបប្រទះ គឺបដិវត្តន៍ទាមទារឲ្យមានដំណោះស្រាយបញ្ហាអត់ការងារធ្វើ ការរឹបអូសដីធ្លី ភាពក្រីក្រ និងអំពើពុករលួយ។
លោកបន្តទៀតថា បដិវត្តន៍ផ្កាម្លិះនៅប្រទេសទុយណេស៊ី (Tunisia) អេហ្សីប (Egypt) និងព្រឹត្តិការណ៍ចុងក្រោយកំពុងកើតឡើងនៅប្រទេសលីប៊ី (Libya) បានញ៉ាំងឲ្យប្រជាជនក្នុងពិភពលោកមើលឃើញថា បដិវត្តន៍ផ្លាស់ប្ដូររបបផ្ដាច់ការគឺមានភាពចាំបាច់។
ប្រជាពលរដ្ឋនៅទុយណេស៊ី និងអេហ្សីប បានទទួលជោគជ័យក្នុងបដិវត្តន៍របស់ពួកគេ ដោយមេដឹកនាំប្រទេសទាំងពីរបានលាលែងចេញពីតំណែង។
លោក សម រង្ស៊ី មានប្រសាសន៍បន្ថែម ៖ «ប្រជាពលរដ្ឋដែលបះបោរនៅ ប្រទេសទាំងប៉ុន្មាននេះ គឺបះបោរដើម្បីអ្វី? ចង់បានអ្វី? តើប្រជាពលរដ្ឋឥឡូវនេះឈឺចាប់ដោយសាររឿងអ្វី? ដូចគ្នា គឺទី១ ភាពក្រីក្រ។ ដរាបណាគេថា ស្រុកអភិវឌ្ឍន៍ ប៉ុន្តែអភិវឌ្ឍន៍សម្រាប់នរណា? សម្រាប់អ្នកមានអំណាច? សម្រាប់មហាសេដ្ឋីឲ្យកាន់តែមានឡើង? ហ្នឹងប្រជារាស្ត្រអត់ចង់បានទេ គឺចង់មានការអភិវឌ្ឍសម្រាប់ប្រជាពលរដ្ឋទូទៅ ជាពិសេសឲ្យអ្នកក្របានទទួលផលពីការអភិវឌ្ឍផង បើអ្នកក្រនៅតែក្រដដែលអាហ្នឹងច្បាស់ជាមានការតវ៉ាហើយ…»។
លោក សម រង្ស៊ី ក៏បានប្រាប់ខ្មែរអាមេរិកទៀតថា គណបក្ស សម រង្ស៊ី គាំទ្រការដោះស្រាយវិបត្តិព្រំដែនកម្ពុជា និងថៃ ជាលក្ខណៈអន្តរជាតិ ប៉ុន្តែមិនមែនយន្តការអាស៊ាន ដោយសារតែប្រទេសថៃ ជាប្រទេសមានអំណាចមួយក្នុងតំបន់ ដូច្នោះកម្ពុជា នឹងមិនទទួលបានផលចំណេញទេ។ លោក សម រង្ស៊ី បានស្នើឲ្យកម្ពុជា ដាក់ពាក្យបណ្ដឹងសាជាថ្មីទៅកាន់ក្រុមប្រឹក្សាសន្តិសុខអង្គការ សហប្រជាជាតិ និងតុលាការយុត្តិធម៌អន្តរជាតិ ដើម្បីស្វែងរកដំណោះស្រាយឲ្យកម្ពុជា។
លោក សម រង្ស៊ី ត្រូវបានតុលាការរដ្ឋាភិបាលភ្នំពេញ កាត់ទោសឲ្យជាប់ពន្ធនាគារចំនួន ១២ឆ្នាំ ពីបទផ្សាយព័ត៌មានមិនពិត ក្លែងបន្លំឯកសារ និងបំផ្លាញតម្រុយបង្គោលព្រំដែនកម្ពុជា និងវៀតណាម នៅខេត្តស្វាយរៀង កាលពីឆ្នាំ២០០៩។ តុលាការកំពូលកាលពីថ្ងៃទី២៣ ខែកុម្ភៈ បានបើកសវនាការដោះស្រាយបណ្តឹងលោក សម រង្ស៊ី ប៉ុន្តែបានពន្យារពេលប្រកាសសាលក្រមរហូតដល់ថ្ងៃទី១ ខែមីនា ខាងមុខនេះ។
លោក សម រង្ស៊ី បន្តទៀតថា លោកមិនបានសោកស្ដាយចំពោះការដកតម្រុយបង្គោលព្រំដែននោះទេ ពីព្រោះកម្ពុជា ពិតជាបានបាត់បង់ដីទៅឲ្យប្រទេសវៀតណាមមែន។ លោកបន្តថា ការដែលតុលាការកាត់ទោសលោក គឺដោយសាររដ្ឋាភិបាលកម្ពុជា មិនចង់ឲ្យមានវត្តមានរបស់លោកក្នុងការបោះឆ្នោតសកលឆ្នាំ២០១៣ ខាងមុខនេះ។
លោកបន្តទៀតថា ៖ «អ្នកបម្រើបរទេស អ្នកធ្វើបាបប្រជារាស្ត្រ គេរករឿងយើង មានន័យថា យើងធ្វើត្រូវហើយ។ បើពួកមនុស្សអាក្រក់គាំទ្រយើង ជួយយើង និយាយល្អពីយើង មានន័យថា យើងធ្វើអាក្រក់ហើយ បើមនុស្សអាក្រក់ថា យើងអាក្រក់ ធ្វើបាបយើង មានន័យថា យើងធ្វើត្រូវហើយ ដូច្នេះធ្វើទៀត អត់មានខ្លាចអីទេ ការជួយប្រជារាស្ត្ររហូតដល់ចប់»។
លោក ហ៊ុន សែន ធ្លាប់បានព្រមាននឹងប្រើប្រាស់កម្លាំងយោធា ដើម្បីបំបាត់ការបះបោរណាមួយនៅកម្ពុជា ៖ «ផ្ដាំ ឲ្យហើយ បើអ្នកឯងប្រមូលគ្នាបានសូមអញ្ជើញមក! បើនាយករដ្ឋមន្ត្រីមិនដឹកនាំការពាររដ្ឋធម្មនុញ្ញ ទុកឲ្យគេធ្វើអនាធិបតេយ្យពេញផ្ទៃប្រទេសយ៉ាងម៉េច?»។
លោក ហ៊ុន សែន បច្ចុប្បន្នមានវ័យ ៥៩ឆ្នាំ បានកាន់កាប់អំណាចនៅកម្ពុជា អស់រយៈពេល ២៦ឆ្នាំ។ លោកធ្លាប់បានប្រកាសកាន់តំណែងរហូតដល់អាយុ ៩០ឆ្នាំ។
អ្នកនាំពាក្យគណៈរដ្ឋមន្ត្រី លោក ផៃ ស៊ីផាន កាលពីថ្ងៃសុក្រ ទី២៥ ខែកុម្ភៈ បានច្រានចោលការវិភាគរបស់លោក សម រង្ស៊ី។
លោកបន្តថា ការបន្តតំណែងរបស់មេដឹកនាំកម្ពុជា ធ្វើឡើងតាមរយៈការបោះឆ្នោត និងមិនមែនជាការបង្ខិតបង្ខំ ៖ «ខ្ញុំ អត់យល់ដូចគាត់ គាត់គ្រាន់តែប្រាប់រឿងមួយដែលជាការបញ្ចេញយោបល់របស់គេទេ ប៉ុន្តែកម្ពុជាមិនមែនស្ថិតនៅក្នុងស្ថានភាពដូចអ្វីដែលឯកឧត្ដម សម រង្ស៊ី លោកមានប្រសាសន៍»។
លោក ផៃ ស៊ីផាន ក៏បានប្រកាសថា លោក សម រង្ស៊ី នឹងអាចប្រឈមមុខនឹងទោសនៅពន្ធនាគារដោយគ្មានដំណោះស្រាយនយោបាយណា មួយ ដើម្បីឲ្យលោក សម រង្ស៊ី រួចទោសនោះទេ។
ពលរដ្ឋខ្មែរអាមេរិក ដែលបានមកស្ដាប់ការពិភាក្សាជាមួយលោក សម រង្ស៊ី បានសម្ដែងក្តីបារម្ភអំពីស្ថានភាពព្រំដែន និងការរំលោភសិទ្ធិមនុស្សនៅកម្ពុជា។
លោក យ័ប គឹមទឹង ប្រធានអង្គការសិទ្ធិមនុស្ស និងលទ្ធិប្រជាធិបតេយ្យ មានប្រសាសន៍ថា ក្រុមពលរដ្ឋខ្មែរអាមេរិក បានរៀបចំការពិភាក្សានេះដើម្បីស្វែងយល់ការពិតនៅកម្ពុជា អំពីស្ថានភាពព្រំដែន បញ្ហាសិទ្ធិមនុស្ស និងប្រព័ន្ធយុត្តិធម៌។
លោកបន្តថា ៖ «ខ្ញុំចង់ឃើញស្រុកខ្មែរយើងគោរពច្បាប់ឲ្យ ត្រឹមត្រូវ កុំឲ្យថា អ្នកមានអំណាចធ្វើអ្វីតាមចិត្ត ហើយយើងមានតែច្បាប់សម្រាប់ពួកក្រីក្រគោរព»។
ក្ដីបារម្ភរបស់ពលរដ្ឋខ្មែរអាមេរិក គឺស្រដៀងនឹងក្ដីបារម្ភរបស់អ្នករាយការណ៍ពិសេសរបស់អង្គការ សហប្រជាជាតិស្ដីពីស្ថានភាពសិទ្ធិមនុស្សនៅកម្ពុជា។
អ្នករាយការណ៍អង្គការសហប្រជាជាតិក្នុងសន្និសីទសារព័ត៌មាន បានសម្ដែងកង្វល់ពីស្ថានភាពនៃបញ្ហាសិទ្ធិមនុស្ស សិទ្ធិដីធ្លី និងការប្រើប្រាស់ច្បាប់ព្រហ្មទណ្ឌ កាត់ទោសបទបរិហារកេរ្តិ៍ និងការផ្សាយព័ត៌មានមិនពិត៕

U.S. hits Libya with sanctions, shuts embassy

Libyan-Americans gesture during a protest against Muammar Gaddafi, at the residence of the Libyan ambassador, in Washington February 25, 2011.

Credit: Reuters/Jim Young

By Ross Colvin and Alister Bull

WASHINGTON | Fri Feb 25, 2011 9:38pm EST

WASHINGTON (Reuters) - The United States imposed sanctions on the Libyan government on Friday and said the legitimacy of longtime Libyan leader Muammar Gaddafi had been "reduced to zero."
In response to Gaddafi's bloody crackdown on an uprising against his 41-year rule, President Barack Obama signed an executive order freezing the assets of Gaddafi, his family and top officials, as well as the Libyan government, the country's central bank and sovereign wealth funds.
"These sanctions therefore target the Gaddafi government, while protecting the assets that belong to the people of Libya," Obama said in a statement.
"By any measure, Muammar Gaddafi's government has violated international norms and common decency and must be held accountable," he added.
The U.S. Treasury said the action would block substantial sums of Libyan money and prevent it being looted by the Gaddafi government, but declined to offer a dollar value.
With the Libyan crisis also being taken up at the United Nations, European Union governments agreed on the idea of imposing an arms embargo, asset freezes and a travel ban on the oil-producing North African nation, with diplomats saying a formal decision would be taken early next week.
Washington announced the sanctions move -- along with the closing of its embassy and withdrawal of U.S. diplomats -- after a chartered ferry and a plane carrying Americans and other evacuees left Libya earlier on Friday.
The Obama administration had been criticized for its relatively restrained response so far to the turmoil. But U.S. officials said fears for the safety of the Americans had tempered Washington's response.
"(Gaddafi) is overseeing the brutal treatment of his people ... and his legitimacy has been reduced to zero in the eyes of his people," White House spokesman Jay Carney said after Libyan security forces shot protesters in the streets of Tripoli on Friday.
Obama discussed Washington's sanctions plan with the leaders of Britain, France and Italy on Thursday and Turkish Prime Minister Tayyip Erdogan on Friday.
Canadian Prime Minister Stephen Harper said on Friday his government was preparing sanctions against Libya and that "Canada fully supports the United Nations Security Council on a resolution that could include a weapons embargo, individual sanctions against key Libyan officials and an asset freeze."
CLINTON TO DRUM UP SUPPORT
The Obama administration said earlier this week it was studying a wide range of options, including the freezing of assets, a travel ban on members of Gaddafi's government, a "no-fly" zone over Libya and military action.
In a first step, the U.S. Treasury has told American banks to closely monitor transactions that may be related to unrest in Libya for possible signs that state assets were being misappropriated.
Several U.S. energy companies in Libya -- including Marathon, Hess and Occidental -- have continued working through the crisis as other foreign firms have curtailed or suspended operations.

Friday, February 25, 2011

Hun Sen lauds Indonesia talks

phnompenhpost.com 26-Feb-2011

Photo by: Pha Lina

Prime Minister Hun Sen gestures while speaking at the Interior Ministry in Phnom Penh yesterday.

Prime Minister Hun Sen has praised the role of Indonesia in mediating between Thailand and Cambodia following deadly clashes along their shared border earlier this month that left at least 10 people dead and displaced thousands of civilians.

Foreign Minister Hor Namhong joined Thailand’s Kasit Piromya and the rest of the foreign ministers from the 10-member Association of Southeast Asian Nations in Jakarta this week for a meeting to address the dispute.

While not adopting a formal ceasefire, Thailand and Cambodia agreed to allow a delegation of unarmed Indonesian observers to join troops on both sides of the border near Preah Vihear temple to monitor the situation.

In an address yesterday at the Ministry of Interior, Hun Sen praised the result of the meeting and said he hoped Indonesia would continue to mediate in the dispute even after it gives up its position as ASEAN chair at the end of this year, at which time Cambodia will take up the post.

“Indonesia now plays a significant role in the region, and therefore Indonesia should continue this role,” Hun Sen said. “Our idea is to request that Indonesia continue in its role on behalf of ASEAN.”

Cambodia and Thailand have agreed to meet for bilateral talks on the border dispute in a third country, most likely Indonesia. Hun Sen said yesterday that these talks would begin between the defence ministers of the two countries rather than with their Joint Border Committee. Thailand and Cambodia have been demarcating their shared border under the auspices of the JBC, though talks have been stalled since 2009, pending the repeatedly delayed approval of the latest negotiations in the Thai parliament.

The Bangkok Post reported yesterday that Thai premier Abhisit Vejjajiva said Thailand was prepared to launch a “full retaliatory attack” if Cambodian troops entered its territory, comments that prompted Hun Sen to compare him to a “drummer preparing for war”. Hun Sen said Kingdom forces had been instructed only to protect Cambodia’s sovereignty and not to cross into Thailand.

In an unrelated digression yesterday, the Premier also warned that the government would take action against any motorists caught drag racing in their cars.

“Those car racers will have to go to court and sleep in prison,” he said. “They have money to buy cars, so they should not hesitate to pay their fines.”

Ancient ritual revived through classical dance at Angkor Wat

phnompenhpost.com 26-Feb-2011

Dancers from the Nginn Karet Foundation perform an ancient ritual at Angkor Wat.

Buong Suong ceremony is designed to call on traditional gods to ensure the prosperity of Cambodia

The highest and most sacred level of Angkor Wat’s central temple was closed to visitors last Saturday to enable a private performance of an ancient ritual by five virginal dancers from the Nginn Karet Foundation.

The ritual is called Buong Suong Tiyaie and it was performed by the dancers who were aged from 10 to 14.

The dancers also performed another dance ritual called the Buong Suong Tep Apsor at the four points of the Bakan, Angkor Wat’s principal sanctuary at the top of the central tower to re-sanctify the temple.

The founder of the Nginn Karet Foundation, Ravynn Karet-Coxen, says the Buong Suong ceremony is a ritual designed to call on traditional gods to ensure the prosperity of Cambodia in the coming year, with
the dancers acting as a physical link between heaven and earth. Karet-Coxen explained that Buong Suong Tiyaie is a classical Cambodian dance ritual designed to be performed by virginal dancers, usually of royal descent, wearing white garments, and includes specific prayers to guarantee the territorial integrity of Cambodia and the health of the royal family.

During Saturday’s ceremony, the lead dancer wore jewellery dating from the Khmer Empire, similar to pieces worn by figures in stone reliefs around Angkor Wat.

The jewellery included a moon-shaped pendant that Karet-Coxen believed possessed magical powers according to Khmer folklore, and was loaned to the Nginn Karet Foundation for the occasion by a private collector.

Karet-Coxen said the ritual is one of many aimed at “restoring Angkor Wat to a site of pilgrimage, not archaeological interest”.

She chose the date of the performance to coincide with Meak Bochea, a Buddhist observance day celebrated on the full moon, which commemorates a meeting between Buddha and 1250 monks.

During this meeting Buddha summarised his teachings into the three main principles: Do not do evil, do good, purify your mind.

Karet-Coxen remarked that many tourists visiting Angkor Wat were unaware the temple was still an active religious site important to both Hindus and Buddhists.

Many ceremonies traditionally performed at the site were unable to be staged during the Khmer Rouge period, and many have now almost been forgotten.

The Nginn Karet Foundation was established in 1994 to provide education and health programs to 14 villages in the Banteay Srey district.

The foundation then established a stand-alone dance conservatory under the patronage of Princess Norodom Bopha Devi which trains 178 musicians and dancers.

Karet-Coxen said the conservatory was the first traditional dance school founded in rural Cambodia and “aims to enrich the traditional culture of Cambodia by re-introducing traditional Khmer folk and classical dances which have fallen out of favour”.

Training is treated as an academic discipline and students are required to attend normal school classes in addition to their daily dance instruction.

Karet-Coxen says the five dancers who took part in the Buong Suong ritual at Angkor Wat were all required to wear simple cotton costumes and natural fibre adornments, and had their hair arranged in patterns inspired by bas reliefs at the temple to emphasise the “ancient legacy of the dance” and the significance of Angkor Wat as the cradle of Khmer culture.

Karet-Coxen says she was concerned the number of tourists present at historical sites such as Angkor Wat was cheapening the temple’s significance.

“Cambodia should consider moving to a tourism model similar to Nepal, which values quality over quantity,” she said. “If we limited the number of visitors each year but increased the cost of visiting sites such as Angkor Wat the government would be able to better preserve the site but still retain the same amount of tourism revenue.”