ឱសថក្លែងក្លាយនាំចូលពីប្រទេសចិនខុសច្បាប់ជាង២១តោនត្រូវបានដុតបំផ្លាញចោល
នៅថ្ងៃទី២៥ មករា ២០១១ នៅឃុំកំពង់ហ្លួង ស្រុកពញាឮ ខេត្តកណ្តាល ប៉ូលិសមូលដ្ឋានប្រឆាំងបទល្មើសបានដុតបំផ្លាញឱសថក្លែងក្លាយខួច គុណភាពមានតម្លៃជាង១លានដុល្លារនាំចូលពីប្រទេសចិនដោយខុស ច្បាប់ដែលប៉ូលិសប្រឆាំងបទល្មើសសេដ្ឋកិច្ចធ្វើការបង្ក្រាបបានកាល ពីថ្ងៃទី២ កក្កដា ២០១០ ចំណែកជនល្មើសដែលជាអ្នកនាំឱសថក្លែងក្លាយទាំងនោះចូលមានឈ្មោះ ស៊ូ យ៊ុងជីង ភេទប្រុស អាយុ៤០ឆ្នាំជាជនជាតិចិន។លោកឧត្តមសេនីយ៍ឯក ម៉ក់ ជីតូ ប្រធាននាយកដ្ឋាននគរបាលកណ្តាលយុត្តិធម៌បានមានប្រសាសន៍ថា ការបង្ក្រាបការនាំចូលឱសថក្លែងក្លាយដែលខួចគុណភាពគឺជាចំណុច ក្តៅដែលប៉ូលិសនាយកដ្ឋានប្រឆាំងបទល្មើសសេដ្ឋកិច្ចត្រូវធ្វើជា បន្ទាន់ ព្រោះឱសថក្លែងក្លាយវាធ្វើឲ្យខួចដល់សុខភាពប្រជាពលរដ្ឋ និងអាចបណ្តាលឲ្យស្លាប់បាន។
តាមការស្រាវជ្រាវនៅក្នុងឆ្នាំ២០០១ របស់អង្គការសុខភាពពិភពលោកបានឲ្យដឹងថា ឱសថក្លែងក្លាយមានប្រមាណជា១៣ភាគរយដែលមានលក់នៅលើទីផ្សារ ប្រទេសកម្ពុជា ប៉ុន្តែចំនួននេះបានថយចុះបន្ទាប់ពីមានការបង្ក្រាបពីសមត្ថកិច្ច ប៉ូលិសប្រឆាំងបទល្មើសសេដ្ឋកិច្ច៕
No comments:
Post a Comment