ដោយ : បញ្ញវន្ត (ថ្ងៃទី 25 កុម្ភៈ 2011)
ភ្នំពេញ: កិច្ចប្រជុំពេញអង្គគណៈរដ្ឋមន្ត្រីក្រោមអធិបតីភាពសម្តេច ហ៊ុន សែន នៅព្រឹកថ្ងៃសុក្រ នេះបានឆ្លងសេចក្តីព្រាងអនុក្រឹត្យស្តីពីការគ្រប់គ្រងបុរី។ សេចក្តីព្រាងអនុក្រឹត្យនេះមានគោលដៅកំណត់អំពីការគ្រប់គ្រងបុរីដែលជា ទីតាំងមួយរៀបចំជាដីឡូត៍ ជាសំណង់លំនៅដ្ឋាន សំណង់ផ្សេងទៀត ព្រមទាំងលម្ហសាធារណៈនិងហេដ្ឋារចនា សម្ព័ន្ធនានានៅលើក្បាលដីតែមួយស្របតាមគំរោងប្លង់សរុបរបស់បុរីដែល បានទទួលការអនុញ្ញាតជាផ្លូវការ។
ការគ្រប់គ្រងនេះក្នុងបំណងធានា ការពារសិទ្ធិកម្មសិទ្ធិស្របច្បាប់របស់កម្មសិទ្ធិករនៃដីឡូត៍ និងកម្មសិទ្ធិករនៃដីឡូត៍ដែលមានសំណង់លំនៅដ្ឋាន និងសំណង់ផ្សេងទៀត ព្រមទាំងកម្មសិទ្ធិករនៃចំណែកឯកជននៃអគារសហកម្មសិទ្ធិដែលមាននៅក្នុង បុរី។
សេចក្តីព្រាងអនុក្រឹត្យនេះរៀបចំឡើងដោយក្រសួងរៀបចំ ដែនដីនគរូបនីយកម្ម និងសំណង់ ដែលរួមមាន ៦ ជំពូក ចែកចេញជា ២៩ មាត្រា មានវិសាលភាពអនុវត្តលើសំណង់គ្រប់ប្រភេទដែលស្ថិតក្នុងតំបន់ដែលមាន លក្ខណៈជាបុរី ទោះជាតំបន់មានឈ្មោះអ្វីក៏ដោយក៏ត្រូវអនុវត្តតាមស្មារតីនៃ អនុក្រឹត្យនេះដូចជាតំបន់ទីក្រុងរណប ឬតំបន់សេដ្ឋកិច្ចពិសេសដែរ។
អនុក្រឹត្យនេះជួយសម្រួលដល់ការចុះបញ្ជីដីធ្លី និងការចេញប្លង់សំណង់នៅក្នុងបុរីដែលបាននិងកំពុងអភិវឌ្ឍតាមរាជធានី និងបណ្តាខេត្ត។ តាមរបាយការណ៍ថា បច្ចុប្បន្ននេះមានបុរីប្រមាណជិត១០០ នៅទូទាំងប្រទេសព្រមទាំងដីធ្លី និងសំណង់នៅក្នុងតំបន់សេដ្ឋកិច្ចពិសេសទាំង ២១ ដែលមានជាធរមាន។
ក្រៅពីនោះ អង្គប្រជុំក៏បានអនុម័តសេចក្តីព្រាងអនុក្រឹត្យស្តីពីការកំណត់សារធាតុ គីមី ដែលទាក់ទងទៅនឹងការផលិតអាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម។ អនុក្រឹត្យនេះធ្វើឡើងដោយយោងស្មារតីរដ្ឋធម្មនុញ្ញនៃព្រះរាជាណាចក្រ កម្ពុជា ក្នុងមាត្រា៥៤ ដែលបានចែងថា «ត្រូវហាមឃាត់ដាច់ខាតរាល់ការផលិត ការប្រើប្រាស់ ការរក្សាទុក អាវុធបរមាណូ អាវុធគីមី ឬ អាវុធវេត្រាណូ»។
ម្យ៉ាងទៀត ដោយយោងមាត្រាទី៩ នៃច្បាប់ស្តីពីការហាមឃាត់អាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម អាជ្ញាធរជាតិអាវុធគីមីបានរៀបចំសេចក្តីព្រាងអនុក្រឹត្យនេះ ឡើងសម្រាប់ជាយន្តការដើម្បីធ្វើការត្រួតពិនិត្យការគ្រប់គ្រង ការប្រមូលទិន្នន័យស្តីពីតម្រូវការសារធាតុគីមីសម្រាប់អនុវត្ត សន្ធិសញ្ញាអន្តរជាតិ អនុវត្តអនុសញ្ញាអាវុធគីមី និងកិច្ចសហប្រតិបត្តិការជាមួយរដ្ឋភាគីដទៃទៀតឲ្យមានប្រសិទ្ធភាព ខ្ពស់។
នៅក្នុងបញ្ហាជ្សេងៗវិញ អង្គប្រជុំពេញអង្គគណៈរដ្ឋមន្ត្រី បានបញ្ជូន «អនុសញ្ញារវាងព្រះរាជាណាចក្រកម្ពុជា សាធារណៈរដ្ឋប្រជាធិបតេយ្យប្រជាមានិតឡាវ និងសាធារណៈរដ្ឋសង្គមនិយមវៀតណាមស្តីពីការកំណត់ចំណុចប្រសព្វនៃខ្សែ ព្រំដែនប្រទេសទាំងបី» ទៅសុំការអនុម័តពីសភា៕
ការគ្រប់គ្រងនេះក្នុងបំណងធានា ការពារសិទ្ធិកម្មសិទ្ធិស្របច្បាប់របស់កម្មសិទ្ធិករនៃដីឡូត៍ និងកម្មសិទ្ធិករនៃដីឡូត៍ដែលមានសំណង់លំនៅដ្ឋាន និងសំណង់ផ្សេងទៀត ព្រមទាំងកម្មសិទ្ធិករនៃចំណែកឯកជននៃអគារសហកម្មសិទ្ធិដែលមាននៅក្នុង បុរី។
សេចក្តីព្រាងអនុក្រឹត្យនេះរៀបចំឡើងដោយក្រសួងរៀបចំ ដែនដីនគរូបនីយកម្ម និងសំណង់ ដែលរួមមាន ៦ ជំពូក ចែកចេញជា ២៩ មាត្រា មានវិសាលភាពអនុវត្តលើសំណង់គ្រប់ប្រភេទដែលស្ថិតក្នុងតំបន់ដែលមាន លក្ខណៈជាបុរី ទោះជាតំបន់មានឈ្មោះអ្វីក៏ដោយក៏ត្រូវអនុវត្តតាមស្មារតីនៃ អនុក្រឹត្យនេះដូចជាតំបន់ទីក្រុងរណប ឬតំបន់សេដ្ឋកិច្ចពិសេសដែរ។
អនុក្រឹត្យនេះជួយសម្រួលដល់ការចុះបញ្ជីដីធ្លី និងការចេញប្លង់សំណង់នៅក្នុងបុរីដែលបាននិងកំពុងអភិវឌ្ឍតាមរាជធានី និងបណ្តាខេត្ត។ តាមរបាយការណ៍ថា បច្ចុប្បន្ននេះមានបុរីប្រមាណជិត១០០ នៅទូទាំងប្រទេសព្រមទាំងដីធ្លី និងសំណង់នៅក្នុងតំបន់សេដ្ឋកិច្ចពិសេសទាំង ២១ ដែលមានជាធរមាន។
ក្រៅពីនោះ អង្គប្រជុំក៏បានអនុម័តសេចក្តីព្រាងអនុក្រឹត្យស្តីពីការកំណត់សារធាតុ គីមី ដែលទាក់ទងទៅនឹងការផលិតអាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម។ អនុក្រឹត្យនេះធ្វើឡើងដោយយោងស្មារតីរដ្ឋធម្មនុញ្ញនៃព្រះរាជាណាចក្រ កម្ពុជា ក្នុងមាត្រា៥៤ ដែលបានចែងថា «ត្រូវហាមឃាត់ដាច់ខាតរាល់ការផលិត ការប្រើប្រាស់ ការរក្សាទុក អាវុធបរមាណូ អាវុធគីមី ឬ អាវុធវេត្រាណូ»។
ម្យ៉ាងទៀត ដោយយោងមាត្រាទី៩ នៃច្បាប់ស្តីពីការហាមឃាត់អាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម អាជ្ញាធរជាតិអាវុធគីមីបានរៀបចំសេចក្តីព្រាងអនុក្រឹត្យនេះ ឡើងសម្រាប់ជាយន្តការដើម្បីធ្វើការត្រួតពិនិត្យការគ្រប់គ្រង ការប្រមូលទិន្នន័យស្តីពីតម្រូវការសារធាតុគីមីសម្រាប់អនុវត្ត សន្ធិសញ្ញាអន្តរជាតិ អនុវត្តអនុសញ្ញាអាវុធគីមី និងកិច្ចសហប្រតិបត្តិការជាមួយរដ្ឋភាគីដទៃទៀតឲ្យមានប្រសិទ្ធភាព ខ្ពស់។
នៅក្នុងបញ្ហាជ្សេងៗវិញ អង្គប្រជុំពេញអង្គគណៈរដ្ឋមន្ត្រី បានបញ្ជូន «អនុសញ្ញារវាងព្រះរាជាណាចក្រកម្ពុជា សាធារណៈរដ្ឋប្រជាធិបតេយ្យប្រជាមានិតឡាវ និងសាធារណៈរដ្ឋសង្គមនិយមវៀតណាមស្តីពីការកំណត់ចំណុចប្រសព្វនៃខ្សែ ព្រំដែនប្រទេសទាំងបី» ទៅសុំការអនុម័តពីសភា៕
No comments:
Post a Comment